کوئٹہ۔ 03 فروری (اے پی پی) سلاہکار داخلہ بلوچستان میرضیاء لانگو پارینے کہ پنجگور و نوشکیٹی دہشت گرد آتا ایف سی کیمپسآ جلہو آتیٹی سیکورٹیکارندہ غاتون اوار 13بندغ شہیدوخت اس کہ ورندی کارروائیٹی 15دہشت گرد زوال کرینو وخت اس کہ پنجگور اٹی نروک آ دہشت گرد آتا برخلاف داسکان آپریشنبرجاءِ۔ داہیت ءِ او پنچ شنبے نادے آ کوئٹہ پریس کلب اٹی پریس کانفرنس کرساپارے ، میرضیاء لانگو پارے کہ تدوک آ نن دہشت گرد آک پنجگور ونوشکیٹی سیکورٹیفورس آتا کیمپسآ جلہو کریر نوشکیٹی آفیسر آتون اوار 5ورنا و اسہ سویلین اس شہیدوخت اس کہ 12ٹھپی مسنو وخت اس کہ 9دہشت گردآتے خلنگانے ہنداوڑ پنجگور اٹی 7ورنا شہیدوخت اس کہ 11ٹھپی مسنو ۔ فورس آک 6 دہشت گرد آتے ہلاک کرینو وخت اس کہ پنجگور اٹی 4 آن 5 دہشت گرد آتا بازار نا کنڈآ نرنگ نا حوال آک ءُ ہراڑآ علاقہ ءِ گھیڑ اٹی ہلسا آپریشن برجاءِ۔ اوپارے کہ پنجگور و نوشکی ٹی ہیلی کیپٹر نا تمنگ نا ہوکاتیٹی ہچ ءُ راستکی اس اف ، دہشت گرد آتے کاٹم خواجہی دوئی ءِ اوفتا رابطہ غاتا بابت جاست وپاست برجاءِ وخت اس کہ کوئٹہ ٹی بڑزکو کہولی سیکورٹی دیوان اس ہم بٹنگ انگانے۔ اوپارے کہ ننا ورناک جون تے ندر کرسا ملک انا رکھ ءِ کننگ ءُ ولے ہرافک ملک انا وسیلہ غاتے کاریم اٹ اتیرہ و داڑے رہینگرہ گڑاس بندغ ہندن ءُ ہرافک داخہ بھلا حادثہ غاہم است ہسونی نا درشانی ءِ کپننگ ءُ دا اوفتا اخلاقی فرض مریک کہ او واقعہ نا مذمت ءِ کیر۔ اوپارے کہ ہراتم اسکان دہشت گرد آتے اوفتا کروک نا سزا تننگپک پنجگور نا شاری تے رکھی وڑاٹ پیش تمنگ آن منع کننگانے۔اسہ سوج اسے نا ورندی ٹی اوپارے کہ دہشت گردی نا بابت ہندا تُو بھاز انگا تھریٹس ساڑی ئسک بلوچستان اٹی داعش، پن انا قوم پرست ، ٹی ٹی پی تون اوار ایلو کالعدم تنظیمک اواری اٹ کاریم کننگ ءُ داسکان واقعہ نا زمواری ءِ کس اسے امنا کتنے و اونا تعین متنے۔ اوپارے کہ بلوچستان نا ایران تون بھلو بارڈر اسے مخلوق ہموکان ہم بریک کاہک انت کہ ویل اس مریک نن بارڈر مینجمنٹ کمیٹی نا کمک اٹ ہرفنہ۔ اوپارے کہ بلوچستان اٹی یک و نیم آن اِرا دہائی آن دہشت گردی چلینگ انگ ءِ ہراڑآن نئے مزور اس و نئے محب وطن اس رکھ مسنے سیکورٹی فورس آک پدریسہ جنگ اٹی جان تا نذرانہ ترسا امن قائم کننگ ءُ۔
