اسلام آباد۔ 03 فروری (اے پی پی) وزیراعظم عمران خان ڈل اتون اوار 4 دے ئی دورہ غا چین آ روانہ مس۔ پنچ شنبے نادے آ وزیراعظم آفس نا میڈیا ونگ آن جاری بیان نا رداٹ وزیراعظم تون اوار ڈل اٹی وزیر خزانہ مخدوم شاہ محمود قریشی، وزیرخزانہ شوکت فیاض ترین، وزیر ڈٹ بندی اسدعمر، بنجائی وزیر حوالکاری و شینکاری چوہدری فواد حسین، سلاہکار قومی سلامتی ڈاکٹر معید یوسف ، سلاہکار واپار عبدالرزاق داؤد و خصوصی کمکار چین پاکستان اقتصادی راہداری خالد منصور اوار ءِ۔ وزیراعظم چین اٹی سرمائی اولمپکس نا بنائی دود اٹ بشخ ہلیک۔ وزیراعظم عمران خان چینی صدر شی جن پنگ و چینی پریمیئر لی کی چیانگ تون اہم اوڑدہی کیک۔ داکان بیدس وزیراعظم پاکستان اٹی زرکاری ٹی است خواہی تخوک چینی زرکارآتا ڈل اتون ہم اوڑدہی کیک۔
