اسلام آباد۔ 03 فروری (اے پی پی) وزیراعظم عمران خان پارینے کہ گچین و فعال بلدیاتی نظام ملکی شونداری نا ضامن مریک، فعال بلدیاتی نظام نا کمک اٹ الس نا گیشتر ویل آتے اوفتا درگہ غا ایسر کننگ مریک۔ داخیال آتا درشانی ءِ او پنچ شنبے نادے آ پنجاب اٹی بروک آ بلدیاتی گچین کاری تا بابت اڈ ہلوک دیوان نا کماشی ءِ کرسا کرے۔ وزیراعظم عمران خان پارے کہ بلدیاتی نظام نا مسخت واکداری تا شیفکو کہو ل آ گدریفنگ ءِ۔ اوزور شاغا کہ دا نظام نا سرسہبی کن المی ءِ کہ راج انا غٹ تپہ خاص وڑاٹ زالبول، ورنا، بزغرو پوریاگر آتے اسہ وڑ نمائندگی تننگے۔ دیوان اٹی بنجائی وزیر مخدوم شاہ محمود قریشی، شفقت محمود، خسروبختیار، اسد عمر، فواد چوہدری، حماد اظہر و خصوصی کمکار ڈاکٹر شہباز گل ئسک بشخ ہلکر۔ وزیراعلیٰ پنجاب سردار عثمان بزدار و صوبائی وزیر مخدوم ہاشم جوان خان، محمد بشارت راجہ و میاں محمود الرشید ویڈیو لنک انا کمک اٹ دیوان اٹی بشخ ہلکر۔
