اسلام آباد۔ 03 فروری (اے پی پی) وزیراعظم عمران خان نا دورہ چین اٹی چین نا صدر و وزیراعظم تون اوار چندی کاروباری شخصیت آتے پاکستان اٹی ساڑی زرکاری نا وارخواہی تیان معلومدار کننگ کن کتاب اس پیش کننگک۔ پنچ شنبے نادے آ وزیراعظم آفس نا میڈیا ونگ آن جاری بیان نا رداٹ پاکستان اٹ زرکاری نا وارخواہی تا بابت تیار کروک آ پچ بک اٹی شعبہ جاتی بنداو تیا سرجم آتے اوار کننگانے۔ کتاب اٹی پاکستان اٹ زرکاری ناحامل بشخ و حکومت نا کنڈآن دا بشخ آتیٹی تروک آ سرجم آک ساڑی ءُ۔ پاکستانی ڈل انا باسک آک دورہ چین نا وخت آ داکتاب ءِ چینی زرکار وکاروباری شخصیت آتے پیش کیرہ۔ داکتاب نا مسخت ملک اٹی زرکاری نا وارخواہی تے مون آ دننگ ءِ۔
