اسلام آباد۔ 03 فروری (اے پی پی) وزیر مملکت حوالکاری و شینکاری فرخ حبیب پارینے کہ کشمیر نا ویل اقوام متحدہ نا قرارداد آتا رداٹ بایدے دمدستی ایسرمرے، نن کشمیری تتون سلوک اُن، مچ آ پاکستان و دنیا ٹی رہینگوک آ پاکستانی تا است اٹی کشمیر ءِ، پاکستان ہرفورم آ کشمیرنا ویل ءِ تالان کرے ، وزیراعظم عمران خان نا دورہ چین اٹی ہم کشمیر نا ویل آ ہیت مریک۔ داخیال آتا درشانی ءِ او پنچ شنبے نادے آ ڈائریکٹوریٹ آف الیکٹرانک میڈیا اینڈ پبلی کیشنز نا کنڈآن یوم یکجہتی کشمیر نا بابت ڈیجیٹل عکسی نمائش نا وخت آ بشخ ہلوک آتیان تران کرسا کرے، یوم یکجہتی کشمیر آ شاندار نمائش نا اڈتننگ آ ڈیمپ انا منت واری ءِ ہرفیوہ۔ فرخ حبیب پارے کہ کشمیراٹی مروک آ ظلم و بربریت ءِ طالب علم آک پینٹنگ نا کمک اٹ تالان کرینو، کشمیر نالمہ ، ایڑھ تا تکلیف ءِ نن محسوس کینہ، انسانی حق انا خلاف ورزی تیا پاکستان مدام توار بڑز کرسا کرینے، وزیر مملکت حوالکاری و شینکاری پارے کہ 5 اگست نا ہندوستانی گام آن پد آن 80 لکھ کشمیری بندی ءُ ، نئے میڈیا آزاد ءِ نئے سوشل میڈیا چلینگ انگ ءِ ، مودی نا آرایس ایس سوچ نا عملی درشانی کشمیر اٹی ظلم و بربریت نا دروشم اٹ ہُننگ مریک ۔ اوپارے کہ برہان وانی کون آ ورناءِ شہید کننگا۔ اوپارے کہ وزیراعظم عمران خان کشمیر نا سچا وکیل و دلیر سفیر نا کڑد ءِ ادا کرے و کشمیر نا ویل ءِ ہرجہانی فورم آ گچین وڑاٹ کشمیر نا مقدمہءِ پیش کرے۔ اوپارے کہ وزیراعظم عمران خان نا کنڈآن ہندوستانی ظلم ءِ تالان کننگ آ داسہ دیکی میڈیا ہم داویل آ ہیت کننگ نا بناءِ کرینے۔ وزیر مملکت حوالکاری و شینکاری پارے کہ دنیا ہم تینا خن تے و خف تے بایدے ملے، کشمیر نا ویل اقوام متحدہ نا قرارداد آتا رداٹ بایدے دمدستی ایسر مرے۔ اوپارے کہ نن کشمیری تتون سلوک اُن، کشمیر مچ آ پاکستان و دنیا ٹی رہینگوک آ پاکستانی تا است آتیٹی ءِ، وزیر مملکت پارے کہ پاکستان ہرفورم آ کشمیر نا ویل ءِ تالان کرے، وزیراعظم عمران خان نا دورہ چین اٹی ہم کشمیر نا ویل آ ہیت مریک، دود اٹی ایڈیشنل سیکرٹری حوالکاری و شینکاری مبشر توقیر وایلوکمامدارآک ہم ساڑی ئسر۔ داوخت آ وزیر مملکت حوالکاری و شینکاری فرخ حبیب نمائش اٹ تخوک آ عکس آتاہم مشاہدہ ءِ کرے، بشخ ہلوک آتے کشمیر کہانی نا سرحال آن ہندوستان نا ظلم و بربریت آ جوڑ کروک آ دستاویزی فلم ءِ ہم نشان تننگا، وزیر مملکت فرخ حبیب طالب علم آتا نیام اٹ پینٹنگ مقابلہ غاتیٹی نمان پوزیشن ہلوک آ تیٹی انعام ہم بشخا ڈائریکٹوریٹ آف الیکٹرانک میڈیا اینڈ پبلی کیشنز ہرسال یوم یکجہتی آ ہندوستانی ظلم ءِ تالان کننگ کن عکسی نمائش نا بست وبندکیک۔
