اسلام آباد۔ 03 فروری (اے پی پی) قومی سلامتی نا سلاہکار ڈاکٹر معید یوسف وزیراعظم پاکستان نا دورہ چین ءِ ہڑتوم آ ملک آتیکن بھاز اہمیت تخوک گوندسا پارینے کہ داٹی ہڑتوم آ ملک آتا سرکڑدہ غاتا نیام اٹ اوغانستان نا بابت ہم بھلو گپ و تران اس مریک ۔ وزیراعظم نا دورہ چین نا بابت گپ وتران کرسا اوپارے کہ پاکستان و چین کن دابھاز اہم ءُ دورہ اسے، دادورہ ٹی پاکستانی و چینی سرکڑدہ غاتا نیام اٹ اوغانستان نا بابت ہم گپ وتران مریک۔ اوپارے کہ اوغانستان آن امریکی فوج انا پیش تمنگ آن پد پرامن و سوگو اوغانستان پاکستان کن بھاز اہمیت تخک ۔ ڈاکٹر معید یوسف پارے کہ سی پیک نا کمک اٹ علاقائی رابطہ اسہ بھاز بھلو موقع اسے و دادورہ ٹی گپ وتران نا اہم عنصر مریک۔ اوپارے کہ دورہ چین اٹی پاک۔چین ڈل آتا نیام اٹ اہم علاقائی امور آہم گپ وتران مریک۔
