اسلام آباد۔ 03 فروری (اے پی پی) وزیرداخلہ شیخ رشید احمد پنجگور و نوشکی ٹی سیکورٹی فورس آتا کیمپ آتیا دہشت گرد جلہو آتا مذمت ءِ کرسا پارینے کہ ننا سیکورٹی فورس آک الحمداللہ ہروڑنا دہشت گردی نا مقابلہ ءِ کننگ نا پبی لائخی تخرہ۔ پنچ شنبے نادے آ وزارت داخلہ آن جاری بیان نا رداٹ وزیرداخلہ دہشت گرد آتا جلہو آتے پسپا کننگ کن سیکورٹی فورس آتے خراج تحسین پیش کرینے۔ اوپارے کہ ننا سیکورٹی فورس آک الحمداللہ ہروڑنا دہشت گردی نا مقابلہ ءِ کننگ نا پبی لائخی تخرہ، دہشت گردی نا چٹفنگ اٹ سیکورٹی فورس آتا عزم و حوصلہ ءِ خراج تحسین پیش کیوہ۔ وزیرداخلہ پارے کہ ننا سیکورٹی فورس آک دہشت گرد آتے ہچ ءُ حالیت اسے ٹی سرسہب مننگ کن اِلیپسہ۔
