اسلام آباد۔ 03 فروری (اے پی پی) وزیر مملکت حوالکاری و شینکاری فرخ حبیب پارینے کہ نواز شریف نا میڈیکل رپورٹ آخا بلکن ڈاکٹر شال نا اوپینن ءِ۔ پنچ شنبے نادے آ اسہ میڈیا ٹاک اسے ٹی نواز شریف نا میڈیکل رپورٹ نا بابت سوج انا ورندی ٹی وزیر مملکت حوالکاری و شینکاری پارے کہ اسہ امریکن ڈاکٹر اس ہرا برطانیہ ٹی رجسٹرڈ اف او امر داوڑنا رپورٹ جاری کننگ کیک۔ فرخ حبیب پارے کہ اسہ امریکی ڈاکٹر اس امر برطانیہ ٹی پریکٹس کننگ کیک؟ وزیر مملکت پارے کہ انت نواز شریف دا رپورٹ ءِ برطانیہ ٹی جمع کرفنگ کیک؟۔ اوپارے کہ ڈاکٹر نوازشریف ءِ پارے کہ نے چہل قدمی کروئی ءِ و او ہمیڑے سیر سپاٹہ کننگ ءِ، وزیر مملکت پارے کہ نواز شریف پنچ گھنٹہ نا سفر ءِ کننگ کیک تو ایئر ایمبولینس آ پاکستان آہم برے۔ فرخ حبیب پارے کہ نواز شریف یا پیسہ غاتے پدی ایتے یا زندان آ کائے۔
