اسلام آباد۔ 03 فروری (اے پی پی) وزیر مملکت حوالکاری و شینکاری فرخ حبیب بلوچستان نا علاقہ پنجگور و نوشکی ٹی فوجی کیمپ آتیا دہشت گرد آتا جلہو نا مذمت ءِ کرینے۔ وزیر مملکت تینا ٹویٹ اٹی دہشت گرد جلہو آتا مذمت ءِ کرے و پارے کہ سیکورٹی فورس آتا وخت آ ورندی ٹی دہشت گرد آتا ناپاک عزم آتے بے سہب کننگا، دہشت گرد آتا لغوری کارروائی تے ہندا وڑ بے سہب کرسا کیرہ ۔ فرخ حبیب پارے کہ سلہہ بند فوج و سیکورٹی فورس آک پورو وڑاٹ الرٹ ءُ، مچ آ قوم لمہ وطن نا رکھ اٹی جون تا نذرانہ پیش کروک آتے سلام پیش کننگءِ۔ وزیر مملکت حوالکاری و شینکاری پارے کہ دہشت گردی نا اسہ واقعہ سے ٹی شہہید مروک آ پاک فوج انا ورنانا درجہ غاتا بڑزی کن دعا کینہ۔
