اسلام آباد۔2فروری (اے پی پی): مزن وزیر عمران خان چینی سروک آنی ھاسیں دعوت ءِ پد ءَ سرمائی اولمپک گیمز آنی بنگیجی مراگش ءَ بھر زوری ءِ واستہ 3 ءَ بگر تاں 6 فروری 2022 ءَ تاں چین ءِ تر ءُ تاب ءَ کنت۔ کابینہ ءِ باسک ءُ مزن تکی سرکاری کارندہ آں ھوار مزن تکی ڈل مزن وزیر ءِ ھمبراہ اتنت۔ ترجمان درئی کارانی کارگس ءِ رد ءَ سئے روچی تر ءُ تاب ءِ ساھت ءَ مزن وزیر عمران کان ، صدر شی جن پنگ ءُ چینی مزن وزیر لی چیانگ ءَ گوں گند ءُ نند کت۔ پاکستان ءُ چینی سروک آں گند ءُ نند ءَ سی پیک ءَ ھوار برجمیں تجارتی ءُ ھاسیں اقتصادی کمک ءَ ھوار دول نیمگی یکوئی آنی توامیں بھر آنی چار ءُ تپاسی ءَ گپت۔ پاکستانی ءُ چینی سروک ارزشتی ایں دمگی ءُ میاں اوستمانی کار آنی سر ءَ ھم دراجیں کچ ءُ کساس ءَ ھیال ریچی کنت۔ مزن وزیر بیجنگ ءَ چین ءِ نامداریں کاروباری سروک ءُ چین ءِ سرو کیں تھنک ٹینکس ، وانگ ءُ زانگی ادارگ ءُ مٰڈیا ءِ سروک آں گند ءُ نند کت۔ مزن وزیر اے موہ ءِ سر ءَ ایندگر دو نیمگی گند ءُ نند کن انت۔ اے تر ءُ تاب ءِ ساھت ءَ ایم او یوز ءُ منوگر آنی سر ءَ دست چنگل جنگ بوت۔
