کاروبار دوست پالیشی آنی بدولت  پاکستان  سرجمیں پڑ ءَ صنعت آنی تہ ءَ سرمایہ کاری  ءِ واستہ اے  وھد ءَ جوان تریں ملک ات، مزن وزیر عمران خان  ءِ سروکی  ءَ  سپیشل اکنامک زونز ءِ  بابت ءَ مزن تکی  دیوان

اسلام آباد۔2فروری  (اے پی پی):مزن  وزیر عمران خان ءَ گوشت کہ حکومت  کاروبار دوستیں پالیشی ءِ بدولت ءَ پاکستان   سرجمیں پڑے  صنعت آنی تہ ءَ سرمایہ کاری  ءِ واستہ  اے  وھد ءَ  جوانیں  ملک ات، صنعت  آنی لڈنی سرمایہ کاری ءَ چہ ناں ایوک ءَ روزگار ءُ برآمدات آنی تہ ءَ گیشی بیت بلکینگ ءَ ٹیکنالوجی ءِ ٹرانسفر  بوت  کنت ، اے ھیالانی درشانی آئی ءَ   چار شمبے ءِ روچ ءَ  سپیشل اکنامک زونز آنی بابت ءَ مزن تکی  دیوان ءِ  سروکی ءَ کنان ءَ کت۔ دیوان ءَ  بنجاھی وزیر  شوکت فیاض ترین، اسد عمر، حماد اظہر، چوہدری فواد حسین،  مخدوم خسرو بختیار، مشیرِ صنعت و تجارت عبدالرزاق داؤد، ھاسیں کمکار ڈاکٹر شہباز گِل، خالد منصور، چیئرمین سرمایہ کاری بورڈ اظفر احسن  ءُ  سیادی داروکیں اپسرگ آں بھر زوری کت وھدیکہ  صوبائی وزیر صنعت پنجاپ میاں اسلم  اقبال  ءُ صوبائی چیف سیکٹر یز ءُ اپسرگ  آں وڈیو لنک ءِ وسلیگ ءَ دیوان ءَ بھر زوری کت۔