اسلام آباد۔2فروری (اے پی پی): مزن وزیر عمران خان ءَ متحدہ عرب امارات ءِ سر ءَ حوثی باگی آنی میزائل ارش ءَ را مذمت گران ءَ اے پڑ ءَ ایمنی ءُ سلامتی ءِ واتہ استیں ھوپ ءُ ترس نامینتگ۔ چار شمبے ءَ مزن وزیر ابوظہبی ءِ ولی عہد ءُ متحدہ امارات ءِ سلاھ بندی ارد ءِ سروک سپریم کمانڈر شیخ محمد زید النہیان ءَگوں ٹیلی فون ءِ سر ءَ …
مزن وزیر عمران خان ءِ ابوظہبی ءِ ولی عہد شیخ محمد بن زید النیہان ءَگوں ٹیلی فون ءِ سر ءَ تران، میزائل ارش ءَ را مذمت
گیشتریں ھال
اسلام آباد۔2فروری (اے پی پی): مزن وزیر عمران خان ءَ متحدہ عرب امارات ءِ سر ءَ حوثی باگی آنی میزائل ارش ءَ را مذمت گران ءَ اے پڑ ءَ ایمنی ءُ سلامتی ءِ واتہ استیں ھوپ ءُ ترس نامینتگ۔ چار شمبے ءَ مزن وزیر ابوظہبی ءِ ولی عہد ءُ متحدہ امارات ءِ سلاھ بندی ارد ءِ سروک سپریم کمانڈر شیخ محمد زید النہیان ءَگوں ٹیلی فون ءِ سر ءَ تران کت ءُ حوثی باگی آنی نیمگ ءَ 30 جنوری ءَ متحدہ عرب امارات ءِ سر ءَ مزائل ارش ءَ را مذمت گپتگ۔ آئی ءَ متحدہ عرب امارات ءِ نیمگ ءَ وھد ءِ سر ءَ جوانیں فضائی دیمپانی ءَ چہ گران قیمتی جان آنی زیان ءَ چہ رکھینگ ءِ واستہ گامگیج آناں ساڑات۔ مزن وزیر ءَ متحدہ عرب امارات ءِ سروک، الس ءُ حکومت ءِ گوما یکوئی آنی سر ءَ دل یکیمی ءِ درشان کت- مزن وزیر ءَ استیں ارشءِ سر ءَ درشان کنان ءَ پڑے ایمنی ءُ سلامتی ءِ واستہ بیم آناں نامینت۔ مزن وزیر عمران خان ءَ گپ ءُ تران ءُ سفارتکاری ءِ وسیلگ ءَ دمگی ایمنی ءُ سلامتی ءِ دیمروئی ءُ رکھینگ ءِ واستہ کوشست آناں پاکستان ءِ جزم ءِ درشان کت۔ دوئیں سروک آں وت مہ وتی کمک ءُ وت مہ وتی کار آنی سر ءَ ھیال ریچی کت ءُ مزن تک ءَ نزیکیں ءُ یک شلیں شور ءُ مشور جوڑی دارگ ءِ سر ءَ تپاک کت۔
