مزن وزیر عمران خان ءِ  سروکی ءَ  صوبگ خیبر پختونخوا ءَ پیسکو ءِ  جیڈھ  آنی سر ءَ دیوان، توان ءِ لوڈ شیڈنگ ءُ  مانیٹرنگ سسٹم، توان دُزئی ءُ  ایشی ءِ  گیواری ءِ واستہ چست کتگی گامگیج ءُ پیسکو ءَ  لس مردی ھاٹیگ ءِ کمک ءُ نوکیں پوسٹنگ ءِ سر ءَ  سرجمیں  رنگ ءَ  سرپد کت

اسلام آباد۔2فروری  (اے پی پی): مزن وزیر عمران  خان ءَ گوشت کہ حکومتی ادارگ آنی کار الس ءَ را آسراتی پجاری   کنگ  ءُ السی شکاست آناں اول سرئی بنیات ءَ  گیواری کنگ انت، خیبر پختونخوا ءَ توان ءِ  شنگ ءُ تالانی ءِ نظام ءَ گہتری ءِ واستہ گامگیج کنگ ءَ انت۔  ادارگ آنی  تہ ءَ پوسٹنگ ءَ میرٹ ءِ  سروکی ءُ ساپ ءُ سلہ  ئی ءَ را دل یکیمی  جوڑ کنگ بوھگ ءَ انت۔ اے ھیالانی درشانی آءی ءَ چار شمبے ءَ صوبہ خیبر پختونخوا ءَ پیسکو ءِ جیڈھ آنی سر ءَ دیوان ءِ سروکی ءَ  کنان ءَ کت۔ دیوان  ءَ بنجاھی وزیر  پرویز خٹک  مراد سعید، حماد اظہر، چوہدری فواد حسین،  اسد عمر،  سر وزیر  خیبر پختونخوا  محمود خان، صوبائی  وزیر خیبر پختوا  محمود خان، صوبائی وزیر خیبر پختونخوا تیمور سلیم جھگڑا، شوکت یوسف زئی  ءُ  سیادی  داروکیں اپسرگ آں بھر زوری کت۔ مزن وزیر عمران  خان  صوبہ خیبر پختونخوا  ءِ  اسمبلی ءِ  ساسک آنی شکاست  ءِ پد ءَ پیسکو ءِ جیڈھ آنی سر ءَ نوٹس  زوران ءَ گوشت کہ حکومت لائن لاسز  ءِ تہ ءَ کمی ءُ  دزئی ءِ گر ءُ دار  ءِ واستہ  ترجی داتگیں بنیات ءَ  گامگیج  کنگ ءَ انت۔