مزن وزیر عمران خان ءَ مزن وزیر آزات کشمیر سردار عبدالقیوم نیازی ءِ گند ءُ نند ، آزات کشمیر  حکومت  ءِ جاڑیگیں السی گہبودی ءُ سیل ءُ سوادی شوبگ ءِ دیمروئی  ءَ  منصوبگ  آنی سر ءَ  دیمروئی  کار آنی بابت  ءَ  سرپد کت

اسلام آباد۔2فروری  (اے پی پی): مزن وزیر عمران  خان ءَ گوشت کہ سیل ءُ سواد ءُ ایشی ءَ گوں بندوکیں  ایندگر شوبگ آنی تہءَ دیمروئی   حکومت ءِ اولی  کار آنی تہ ءَ ھوار انت۔ آزات جموں کشمیر ءَ سیلءُ سواد   ءِ بے کساس موہ است انت۔ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ اے ھیالانی درشانی آئی ءَ مزن وزیر  آزات جموں کشمیر  سردار  عبدالقیوم نیازی ءَ  تران کنان ءَ کت آئی ءَ چار شمبے ءِ روچ ءَ   ادا آئی ءَ گوں گند ءُ نند کت۔ مزن وزیر آزات جموں کشمیر ءَ مزن وزیر  عمران خان ءَ را آزات  کشمیر   حکومت ءِ جاڑیگیں  السی گہبودی  ءُ سیل ءُ سوادی شوبگ ءِ دیمروئی  منصوبگ آنی سر ءَ دیمروئی کار آنی بابت ءَ سرپد کت۔ مزن وزیر عمران خان ءَ آزات   کشمیر  ءَ کیاسگری ایکٹ  ءِ برجائی  وشیں  گپ ءِ نامینان ءَ  کانود ءِ سروکی ءُ نظام   ءِ ساپ ءُ سلہ ئی ءَ را ملکی دیمروئی ءِ  واستہ المی نامینت۔