اسلام آباد۔ 02 فروری (اے پی پی) الیکشن کمیشن خیبرپختونخوا نا چندی ضلع غاتے ٹی بلدیاتی گچین کاری تا اولیکو ریسہ ٹی توڑ پھوڑ، ہڑ دڑ آن زہمی پولنگ اسٹیشن تیا 13 فروری آ دُوارہ پولنگ نا تاریخ مقرر کرینے۔ الیکشن کمیشن نا کنڈآن چارشنبے نادے آ جاری کروک آرڈر نا رداٹ بلدیاتی گچین کاری تا اولیکو ریسہ ٹی مروک آ پولنگ اٹی چندی ضلع غاتے ٹی جنگ و جھیڑہ، ہڑ و دڑ نا سوب آن پولنگ ءِ ملتوی کننگاسس داسہ دا 12 ضلع ہرافتے ٹی پشاور ، باجوڑ، کرک، مہمند، کوہاٹ، بنوں، مرادان ، لکی مروت، ڈی آئی خان، بونیر، نوشہرہ و خیبرنا 221 پولنگ اسٹیشن تیا دُوارہ پولنگ کن 13 فروری نا تاریخ ءِ مقرر کننگانے۔ کمیشن نا رداٹ 6 دُوارہ گنتی نا کیس عدالت آتیٹی مننگ نا سوب آن شیڈولءِ جاری کننگ متو، اونا فیصلہ بننگ آن پد داڑے دُوارہ پولنگ کرفنگک۔ داکان بیدس چندی تحصیل و علاقہ غاتیٹی اومیتدار آتا کزیت نا سوب آن پولنگ ءِ پدبٹنگاسس داسہ ہموڑے ہم پولنگ 13 فروری آ مریک۔
