اسلام آباد۔ 02 فروری (اے پی پی) ملک اٹی سیل وسوات نا بشخ اٹی براہ راست درملکی زرکاری ٹی برجامالی سال انا اولیکو ششماہی ٹی تدوک آ مالی سال انا ہندا مد انامقابلہ ٹی ودکی ریکارڈ کننگانے۔ اسٹیٹ بینک و زرکاری بورڈ انا کنڈآن دابابت دوئی حساب وکتاب نا رداٹ برجامالی سال انا اولیکو ششماہی ٹی پاکستان اٹی سیل و سوات نا بشخ اٹی 7.4 ملین ڈالر نا براہ راست درملکی زرکاری ریکارڈ کننگا ہرا تدوک آ مالی سال انا ہندا مد انا مقابلہ ٹی 25.42 درسد زیات ءُ۔ تدوک آ مالی سال انا ہندا مد اٹی ملک اٹی سیل و سوات نا بشخ اٹی براہ راست درملکی زرکاری نا کچ 5.9 ملین ڈالر ریکارڈ کننگاسس۔ دسمبر 2021اٹی ملک اٹی سیل و سوات نا بشخ اٹی 2.4 ملین ڈالر نا براہ راست درملکی زرکاری ریکارڈ کننگا۔ یات سلے کہ برجامالی سال انا اولیکو ششماہی ٹی ملک اٹی براہ راست درملکی زرکاری نا کچ 1.056 ارب ڈالر ریکارڈ کننگانے ہرا تدوک آ مالی سال انا ہندا مد اٹی 879.7 ملین ڈالرئسک۔
