اسلام آباد۔1فروری (اے پی پی):صدر مملکت ڈاکٹر عارف علوی ءَ ہائر ایجوکیشن کمیشن ءَ را آن لائن وانگ ءُ زانگی پالیسی ءِ زوت جنگ ءِ واستہ پنت ءُ شون کنان ءَ گوشت کہ نودربر آناں سستائیں وانگ ءُ زانگ ءَ چہ سیت چست کنگ ءِ واستہ ٹوھیں ورچوئل وانگ ءُ زانگی بھر آناں گیش بکن انت، تکنیکی ھورکیں جاہ آناں گیش بکن انت، تکنیکی ھوری آناں پر کنگ ءُ ترند یں دیمروئی ءِ واستہ اسکل ڈویلپمنٹ ءُ آئی ٹی وانگ ءُ زانگ ءِ سر ءَ دلگوشی بدینت۔ ایوان ء ِ صدر ءِ پریس ونگ ءَ چہ جاڑی بوتگیں بیان ءِ رد ءَ صدر مملکت ءَ دو شمبے ءَ ادا ایوان ءِ صدر ءَ نیشنل یونیورسٹی آف ٹیکنالوجی (نیوٹیک) ءَ را بریفنگ ءِ ساھت ءَ گوشت کہ در ملکی وانگ جاہ ءُ ھیل کاری ادارگ آنی گوما کمک ءَ چہ لس مردی ھاٹیگ کزبی دیمروئ ءَ کمک رسیت۔ دیوان ء۔ نیوٹیک ءِ فیکلٹی ممبر، ایچ ای سی ءِ نماھندگ ءُ حکومت ءِ مزن تکی کارندہ آں بھر زوری کت۔ ریکٹر نیوٹیک لیفٹیننٹ جنرل (ر) خالد اصغر ءَ انجینئرنگ ءِ جتا جتائیں شوبگ آنی تہ ءَ وانگ ءُ زانگ ءِ پروگرام آنی سر ءَ بریفنگ دات۔ صدر مملکت ءَ را بریفنگ ءَ گوشگ بوت کہ نیو ٹیک ءِ وت جوڑیشتی ھیل کاری، روبوٹکس ، انجیئرنگ ءُ آئی ٹی ءِ ایندگر شوبگ آنی تہ ءَ پروگرام بندات کنگ ءِ منصوبگ جوڑ کتگ۔ دیوان ءَ آیوکیں باندات ءِ منصوبگ ءُ آن لائن ایجوکیشن سپورٹ سسٹم ءِ تیاری ءِ بابت ھم بریفنگ دیگ بوت۔
