اسلام آباد۔ 01 فروری (اے پی پی) وزیراعظم عمران خان اسہ دے ئی دورہ غا سے شنبے نادے آ بہاولپور آ روانہ مس ہراڑے وزیراعظم پوسکن آ پاکستان قومی جان جوڑی کارڈ پروگرام نا بناءِ کیک۔ وزیراعظم آفس نا میڈیا ونگ آن جاری بیان نا رداٹ قومی جان جوڑی کارڈ انا بناءِ خیبرپختونخوا، پنجاب، اسلام آباد، ضلع تھرپارکر، گلگت بلتستان و آزاد جموں و کشمیر اٹ کننگانے۔ بہاولپور ڈویژن اٹ اوار ضلع رحیم یار خان، بہاولپور و بہاولنگر نا اسہ کروڑ 5 لکھ آن زیات بندغ آتا اوار مننگ آن پد پنجاب اٹی قومی جان جوڑی کارڈ آن فائدہ ہرفوک آ اُراوالا و بندغ آتا کچ اٹی 63 درسد ودکی مریک۔ قومی جان جوڑی کارڈ حکومت نا کنڈآن اسہ انقلابی ءُ گام اسے ہرانا سوب آن 10 لکھ روپئی اسکان درمان سرکاری و گچین پرائیویٹ ہسپتال آتیٹی مفت درمان نا آسراتی دوئی مریک۔ وزیراعظم داوخت آ تران ہم کیک۔
