بہاولپور۔ 01 فروری (اے پی پی) بنجائی وزیر صنعت و پیدوار خسرو بختیار پارینے کہ جان جوڑی کارڈ انا بناتاریخی ءُ گام اسے، عثمان بزدار نا کارکڑد ہرچار آ وزیراعلیٰ تیٹی اولیکو نمبر آٹے۔ داخیال آتا درشانی ءِ او سے شنبے نادے آ داڑے قومی جان جوڑی کارڈ انا بناءِ کننگ نا دود آن تران کرسا کرے۔ بنجائی وزیر پارے کہ پنجاب حکومت بہاولپور ڈویژن کن بھلو شونداری پروگرام اس تسنے۔ اوپارے کہ دنیا کورونا تون گچین وڑاٹ مون تننگ آ پاکستان نا معترف ءِ، مچ آ دنیا ٹی کورونا نا سوب آن زرگزران توس، نہاد آک ودار، دانا ولولہ انگیز سرکڑدہ ئی ئسک، اینو اکانومسٹ ننا پالیسی تے اولی صف اٹ تخانے۔ اوپارے کہ زرگزرانی نمو 5.37 درسد نا ریکارڈ کہول آ ٹے، زوت آن زوت حقدار آتسکان سرکننگ اسہ چیلنج اسے، حکومت نا کنڈآن دارداٹ کاریم پورو ءِ، بروک آ منہ تُو اٹی غٹ ءِ احساس مریک کہ جان جوڑی کارڈ بھاز بھلوگام اسے۔ اوپارے کہ سویلی پنجاب کن بنجائی و صوبائی حکومت اسہ جامع شونداری پلان اس شین تسنے ہرانا مثبت اثربننگ بناکرینے۔ اوپارے کہ حکومت جان جوڑی کارڈ، راشن کارڈ، بزغر کارڈ اتون اوار چندی ڈٹ آتیاکاریم کننگ ءِ ہراڑآن راج انا پسماندہ تپہ غاتے بھاز بھلو فائدہ اس رسینگک۔
