اسلام آباد۔ 01 فروری (اے پی پی) چیئرمین سینیٹ صادق سنجرانی پارینے کہ مقبوضہ جموں و کشمیر نا الس تون یکجہتی نا درشانی کننگ کن جمعہ نادے آ کشمیر نا ویل آ شرہ کننگک۔ سے شنبے نادے آ بڑزکو ایوان نا دیوان اٹی قائد ایوان سینیٹر ڈاکٹر شہزاد وسیم نا کنڈآن 5 فروری آ یوم یکجہتی کشمیر اڈتننگ نا بابت ریمارکس آ چیئرمین سینیٹ پارے کہ آزاد کشمیر نا وزیراعظم نا درخواست آ ایوان نا اسہ دیوان اس مظفر آباد اٹی ہم اڈ ہلیک و داٹی درملکی سفیر و انسانی حق انا نمائندہ غاتے ہم بٹنگک۔ داکان مست ڈاکٹر شہزاد وسیم پارے کہ ہرسال 5 فروری آ یوم یکجہتی کشمیر اڈتننگک و دادے ءِ اڈتننگ نا مسخت جہانی برادری ءِ دا کلہو تننگءِ کہ پاکستان نا الس حق خودارادیت کن جہد اٹ کشمیری ایلم و ایڑھ تتون تفوک ءِ۔
