مستین نا حکومت آک ڈیم جوڑ کننگ آ ہچ چکار کتور، ساڑی حکومت اولیکو وار دیامربھاشا، مہمند ڈیم کون آ ڈٹ آتیا کاریم نا بناءِ کرفے، علی محمد خان

اسلام آباد۔ 01 فروری (اے پی پی) وزیر مملکت پارلیمانی امور علی محمد خان پارینے کہ مستین نا حکومت آک دیر کوڑی کننگ کن ڈیم جوڑ کننگ آ ہچ چکار کتور، ساڑی حکومت اولیکو وار دیامربھاشا، مہمند ڈیم کون آڈٹ آتیا کاریم نا بناءِ کرفینے۔ سے شنبے نادے آ بڑزکو ایوان نا دیوان اٹی وقفہ سوج آتے ٹی سینیٹر اعجاز چوہدری و ایلو باسک آتا سوج آتا ورندی ٹی اوپارے کہ بلین ٹری سونامی و حکومت نا ایلو پالیسی تا جہانی کہول آ ستا ءِ کننگ انگ ءِ، کورونا دین اٹی گچین گام گیج آتا سوب آن پاکستان ءِ دنیا نا مسہ گچین گام گیج کروک آ ملک آتیٹی اوار کننگانے۔ اوپارے کہ مستین نا حکمرانک ملک اٹی دیر کوڑی کننگ کن ہچ اس کتور۔ اوپارے کہ مستین نا حکمرانک اگہ ملک انا خذمت ءِکریرہ و ملک اکن گڑاس کریرہ تو او اینو پیشن نا ملک اٹی تولتورہ۔