اسلام آباد۔ 01 فروری (اے پی پی) وزیر مملکت پارلیمانی امور علی محمد خان پارینے کہ ملک اٹی بھلا دیری کوڑی تا تفنگ آن پد دیرکوڑی کننگ نا گنجائشت کیہی ملین ایکڑ فٹ اسکان ودک، اسہ صوبہ سے تون ہم ڈیم تا تفنگ اٹ امتیازی سلوک مفک۔ سے شنبے نادے آ بڑزکو ایوان اٹ وقفہ سوج آتے ٹی سینیٹر دنیش کمار، کیشوبائی و ایلو باسک آتا سوج آتا ورندی ٹی او پارے کہ مالی وسیلہ غاتا دوئی ءِ مون آ تخسا ہر ڈٹ اکن پی ایس ڈی پی ٹی فنڈ جتا کننگک و دا ڈٹ آک چلینگسا کارہ، بلوچستان، خیبرپختونخوا وسندھ غٹ صوبہ غاتے ٹی ڈٹ آک برجاءُ، مہمند ڈیم آ خڑچ انا کساس 309 ارب روپئی ءِ ولے داڑکن ہم فنڈز مالی وسیلہ غاتا دوئی ءِ ہرسا جتا کننگانے۔ اوپارے کہ داوخت آ دیر کوڑی کننگ نا ملک اٹی گنجائشت 14.4 ملین ایکڑ فٹ ءِ ہرا دیامربھاشا ومہمند ڈیم کون آ ڈٹ آتا تفنگ آن پد 23 ملین ایکڑ فٹ آن ودک، پیپلزپارٹی تینا دور اٹی اسہ ڈیم اسے آ ہم کاریم نا بناءِ کتنے۔ اوپارے کہ ڈیم جوڑ مننگ آن آبپاشی، بجلی و کُننگ کن دیر وافر دستیاب مریک۔
