لیگل ایڈ اینڈ جسٹس اتھارٹی راج انا نیزگار و نزور تپہ غاتے کانودی، مالی و پین امداد فراوان کننگ کن جوڑ کننگانے، بنجائی وزیر انسانی حق

اسلام آباد۔ 01 فروری (اے پی پی) سینیٹ ءِ پاننگانے کہ لیگل ایڈ اینڈ جسٹس اتھارٹی راج انا نیزگار و نزور تپہ غاتے کانودی و مالی و پین امداد فراوان کننگ کن جوڑ کننگانے۔ سے شنبے نادے آ بڑزکو ایوان نا دیوان اٹی سینیٹر سیمی ایزدی نا سوج انا ورندی ٹی بنجائی وزیر انسانی حق شیریں مزاری پارے کہ منشاکار وکیل آتا کمک اٹ کانودی امداد فراوان کننگ انگ ءِ وخت اس کہ دا اتھارٹی نا کانودی کمکاری، مالی امداد و فنڈ آتا قاعدہ خزانہ ڈویژن نا منظوری کن گدریفنگانے۔ اوپارے کہ اتھارٹی نا مالیاتی و فنڈز رولز منظوری کن فنانس ڈویژن ءِ گدریفنگانے۔ اوپارے کہ لیگل ایڈ اینڈ جسٹس اتھارٹی نا بورڈ آف گورنرز اس جوڑ کننگانے اونا مسہ دیوان مسنے، لیگل ایڈ اینڈ جسٹس اتھارٹی نا کمک اٹ فراوان کروک آ کانودی امداد نا بارواٹ مخلوق اٹ آگاہی ودی کننگ کن مہم اس ہم چلیفنگانے۔ انسانی حق انا وزیر پارے کہ نن جبری گمشدگی تے ڈوہ اس گوندنگ نا بل اس ہم تیار کرینن۔ اوپارے کہ دا بل ءِ قومی اسمبلی مہالو آن منظور کرینے، سینیٹ آن دادے منظوری کن ہرفنگ نا خواست کرینن۔