اسلام آباد۔ 01 فروری (اے پی پی) بنجائی وزیر ڈٹ بندی، شونداری و اصلاحات و مرکزی سیکرٹری جنرل پاکستان تحریک انصاف اسد عمر پارینے کہ سندھ لوکل گورنمنٹ ایکٹ 2013 نا بابت سپریم کورٹ نا رولنگ ننا موقف نا تائید ءِ، سندھ حکومت نا جوڑ کروک آ کانود آئین تون تصادم، ہیبداری تیان پُر ءِ۔ پاکستان تحریک انصاف نا مرکزی میڈیا ڈیپارٹمنٹ آن جاری بیان نا رداٹ سندھ لوکل گورنمنٹ ایکٹ 2013 نا بابت سپریم کورٹ آف پاکستان نا آبزرویشن تا بابت تینا بیان اٹی مرکزی سیکرٹری جنرل تحریک انصاف و بنجائی وزیر ڈٹ بندی اسد عمر پارے کہ سندھ لوکل گورنمنٹ ایکٹ 2013 نا بابت سپریم کورٹ نا رولنگ ننا موقف نا تائید ءِ، اولیکو دے آن پارسا بسونن کہ سندھ حکومت نا جوڑ کروک آ کانود آئین تون متصادم و ہیبداری تیان پُرءِ۔ اوپارے کہ شاری تا آسودہی و شونداری کن سہی وڑاٹ اسہ واکدار بلدیاتی نظام آن بیدس پین کسر اف، سندھ اٹی اسہ واکدار بلدیاتی نظام نا بابت جہد ءِ برجاتخنہ۔
