اسلام آباد۔ 01 فروری (اے پی پی) الیکشن کمیشن اٹی تحریک انصاف نا فارن فنڈنگ کیس انا سماعت ءِ 9 فروری اسکان پد بٹنگا۔ سے شنبے نادے آ الیکشن کمیشن اٹی چیف الیکشن کمشنر سکندر سلطان راجہ نا کماشی ٹی مسہ باسکی بنچ کیس انا سماعت ءِ کرے۔ درخواست گزار اکبر ایس بابر ہم بنچ انا مون آ پیش مس۔ تحریک انصاف نا کنڈآن اونا وکیل انور منصور کرونا رپورٹ مثبت بننگ آن پد پیش مس اوموقف اختیار کرے کہ او اینو دلیل تننگ کپک۔ اکبر ایس بابر نا وکیل احمد حسن موقف اختیار کرے کہ ڈی جی لاء الیکشن کمیشن نا مون آ کمک کپننگ ءِ، ننے سکروٹنی کمیٹی نا 8 والیم داسکان ملتنو۔ داڑآ چیف الیکشن کمشنر پارے کہ سیکرٹری کمیشن داسہ دا باندات ءِ ہرک کہ الیکشن کمیشن نا فیصلہ غا عملدرآمد مننگ ءِ یا آخا۔ اوپارت کرے کہ اینو شام اسکان ایلو والیم تے جمع کرفے۔ چیف الیکشن کمشنر پارے کہ کیس اٹ ہرے مفننگ ءِ داسکان دلیل آتے بروئی ءِ، اودرخواست گزار و جواب دہندہ ءِ پارت کرے کہ او تینا ورندی نا کاپی ءِ اسہ ایلو ءِ فراوان کیر۔ کیس انا سماعت 9 فروری اسکان پد بٹنگا۔
