اسلام آباد۔ 01 فروری (اے پی پی) ملک اٹی واپار نا بشخ اٹی براہ راست درملکی زرکاری ٹی برجامالی سال انا اولیکو ششماہی ٹی تدوک آ مالی سال انا ہندا مد انا مقابلہ ٹی زرس کمتی ریکارڈ کننگانے۔ اسٹیٹ بینک و زرکاری بورڈ انا کنڈآن دا بابت جاری کروک حساب وکتاب نار داٹ برجامالی سال انا اولیکو ششماہی ٹی پاکستان اٹ واپار نا بشخ اٹی 35.5 ملین ڈالر نا براہ راست درملکی زرکاری ریکارڈ کننگانے ہرا تدوک آ مالی سال انا ہندا مد انا مقابلہ ٹی 20.84 درسد کم ءُ۔ تدوک آ مالی سال انا ہندا مد اٹی پاکستان اٹ واپار نا بشخ اٹی 42.9 ملین ڈالر نا براہ راست درملکی زرکاری ریکارڈ کننگاسس۔ دسمبر نا تُو اٹی ملک اٹی واپار نا بشخ اٹی 14.1 ملین ڈالر نا براہ راست درملکی زرکاری ریکارڈ کننگانے۔ اسٹیٹ بینک انا رداٹ ملک اٹی براہ راست درملکی زرکاری ٹی برجامالی سال انا اولیکو ششماہی ٹی تدوک آ مالی سال انا ہندا مد انا مقابلہ ٹی جم وڑاٹ 20.1 درسد نا نمو ریکارڈ کننگانے اولیکو ششماہی ٹی پاکستان اٹی براہ راست درملکی زرکاری نا کچ 1.056 ارب ڈالر ریکارڈ کننگا ہرا تدوک آ مالی سال انا ہندا مد انا مقابلہ ٹی 20.1 درسد زیات ءُ، تدوک آ مالی سال انا ہندا مد اٹی پاکستان اٹی براہ راست درملکی زرکاری نا کچ 879.7 ملین ڈالر ریکارڈ کننگاسس۔
