سپریم کورٹ نا آرٹیکل A140نا رداٹ ہندی حکومت آتے واکداری تننگ نا فیصلہ ستاکڑزک، علی زیدی

کراچی۔ 01 فروری (اے پی پی) پاکستان تحریک انصاف (پی ٹی آئی ) سندھ انا صدر و بنجائی وزیر بحری امور علی زیدی بلدیاتی کانود نا بابت سپریم کورٹ نا فیصلہ نا ستاءِ کرسا پارینے کہ سپریم کورٹ نا آرٹیکل A140نا رداٹ ہندی حکومت آتے واکداری تننگ نا فیصلہ ستاکڑزک۔ پی ٹی آئی نا کنڈآن جاری بیان نا رداٹ اوپارے کہ سپریم کورٹ پیپلزپارٹی نا مون انگا کانود آ سنجیدگی اٹ مشاہدہ کرینے، سندھ اٹی اپوزیشن جماعت آتا دا بھلو سرسہبی اسے۔ صدر پی ٹی آئی سندھ علی زیدی پارے کہ واکدار بلدیاتی نظام ملکی شونداری، شونہالی، الس نا بنداوی ویل آتا ایسر بیرہ واکدار بلدیاتی نظام اٹی ءِ۔ اوپارے کہ ہندی حکومت آتا گچین مروک نمائندہ غاتے واکداری تا گدریفنگ کن ننا جہد برجاسلک۔