اسلام آباد۔31جنوری (اے پی پی): سینیٹءِ چیئرمین صادق سنجرانی ءَ گشتگ کہ پاکستان ءِ سینیٹ کشمیری اُلسءِ وت واجہی ءِ حق ءِ ھاترءَ وتی کوشستاں برجم داشتگ ء ُ اے بابتءَ بازیں گامگیج ہم چست کناں۔ منی ہم اے کوشت اِنت کہ 5 فروری ءَ سینیٹ آف پاکستان ءِ دیوان آزات کشمیر ءِ بنجاہی حکومت مظفر آباد ءَ توار کنگ بہ بیت تنکہ اے ہوالگءَ سرجمیں اوشت دور کنگ بہ بنت۔ ما کشمیری اُلس ءِ گوما ہم کوپگ اَنت ء ُ ما اے ہوالگءَ 05 فروری ءَ مقبوضہ کشمیر ءِ اُلس ءِ گوما یکوئی ءِ کلوہ ءَ دیاں چیا کہ آیاں ناگیگیں جاوراں 9 لکھ بھارتی فوج ءِ بوہگ ءَ ہم وتی جدوجہد برجاہ داشتگ۔ اے ھیالانی درشانی آئی ءَ دوشمبے ءِ روچءَ وتی لوگ ءَ گوںآزاد جموں وکشمیرءِ سروک بیرسٹر سلطان محمود چوہدری ءَ گندء ُنندءِ تہا کتگ ۔ اے موہ ءَ پر صدر ریاست بیرسٹر سلطان محمود چوہدری ءَ سینیٹ ءِ چیئرمین صادق سنجرانی ء ُ سینیٹءِ باسکانی نیمگءَ کشمیری اُلس ءَ گوں یکوئی ءِ درشانی کنگءَ آئی ءِ حاس شکر ء ُ منت گپتگ۔ اے موہ ءَ آزاد جموں وکشمیر ءِ سروک بیرسٹر سلطان محمود چوہدری ءَ سینیٹ ءِ چیئرمین صادق سنجرانی ءِ براتءِ آناگہیں بیرانی ءِ سرءِ دلپدردی ءِ درشانی ہم کتگ۔
