اسلام آباد۔31جنوری (اے پی پی): دری کارانی وزیر مخدوم شاہ محمود قریشی ءَ دوشمبے ءِ روچءَ بنجاہی زرکاری بورڈ ءِ ترء ُتاب کتگء ُ چیرمین بورڈ آف انوسٹمنٹ محمد اظفر احسن ءَ گوں گندء ُنندکتگ۔ سیکرٹری بورڈ آف انوسٹمنٹ ، مس فارینہ مظہر، ایگزیکٹو ڈائریکٹر جنرل بی او آئی ، مکرم جاہ انصاری, ایڈیشنل سیکرٹری بی او آئی، خشی الرحمان، ڈایکٹر جنرل ثریا جمال ء ُ دری کارانی وزارت ءِ سینئر افسر ہم اے موہ ءَ ساڑی بوتگ اَنت۔ اے موہ ءَ گپء ُتران کتگء ُ دری کارانی وزیر ءَ گشتگ کہ مئے حکومت اقتصادی لوٹانی سرءَ دلگوشی کنگ ءَ اِنت۔ شاہ محمود قریشی ءَ گشتگ کہ مئے سفیر ، مزن وزیر عمران خان ءِ وژن ء، روژنانی ءَ اقتصادی سفارت کاری ءِ وسیلگ ءَ میاں اوستمانی براتی ءِ دلگوشیءَ را پاکستان ءَ بیپاری موہانی نیمگءَ کنگ ءاَنت۔ آئی ءَ گشتگ کہ حکومت اقتصادی ایجنڈا ءِ سرجمی ء ُ معاشی ٹک ءَ سربوہگ ءِ ھاترءَ دری کارانی وزارت، زرکاری بورڈءِ گوما یکجاہی کوشست کنگءَ کمگ ءِ سرکنگ ءِ جزم کتگ۔ چیرمین سرمایہ کاری بورڈ، محمد اظفر احسن ءَ بی اوآئی آمد ء ُ دری کارانی وزارت ءِ نیمگ ءَ چہ کمک دیئگ ءَ دری کارانی وزیر مخدوم شاہ محمود قریشی ءِ شکرءُمنت گپتگ۔
