اسلام آباد۔31جنوری (اے پی پی): بنجاہی وزیر شوکت ترین ءَ گشتگ کہ حکومت ءَ ملک ءِ تہا زرکاری ءِ ھاترءَ جوانیں ماحول داتگ، ملکی ء ُ میاں اوستمانی تکءَ زرکارء ُ بیپاری کنوکاناں جوانیں ماحول دیئگ ءِ ھاترءَ آسراتی دیئگ ءِ گامگیج چست کتگ۔ آئی ءَ اے گپ دوشمبےءِ روچءَ ہالینڈ ءِ سفیر واوٹر پلامپ ءَ گو ں گندء ُنندکنان ءَ کتگ۔ گندءُ نند ءِ تہا ہالینڈ ءِ کمپنی رائل فرزلنٹ کمپینا ءِ گلوبل سی ای او اوہین شماچر ہم ساڑی بوتگ۔ دیوان ءَ فوڈ اینڈ بیوریجز رائل فرزلنٹ کمپیناءِ سی ای او ء ُ رائل فرزلنٹ کمپینا اینگو پاکستان لمیٹڈ ءِ ایم ڈی علی احمد خا ن ہم ساڑی بوتگ۔ حزانگ ءِ وزیر ءَ ہالینڈ ءِ سفیر ء ُ آئی ءِ ہمراہ آیوکیں ڈل ءَ را پاکستان ءَ زرکاری ءُ بیپاری کنگ ءِ ھاترءَ جوانیں ماحول دیئگ ءَ حکومتی گامگیجانی ہوالگءَ شونست داتگ۔ آئی ءَ گشتگ کہ بیپاری ءِ تہا ارزانی کنگ ءِ ھاترءَ حکومت ءَ جوانیں گامگیج چست کتگ کہ آئی ءِجوانیں نتیجگ دیما اَتکگ۔ ہالینڈ ءِ کمپنی ءَ گلوبل سی ای او ءَ بیپاری ءُ زرکاری ءِ ھاترءَ گامگیج چست کنگءَ حکومت ءِ نیت، ادارگء ُ گامگیجگاناں ساڑاتگ۔ آئی ءَ پاکستان ءَ ڈیری ءِ صنعت ءَ را گیش کنگءِ ھاترءَ بازیں سرء ُسوجے ہم داتگءُ اے ہوالگءَ پاکستان ءِ حکومت ءَ چہ کمک ہم لوٹ اِت۔ اے ہوالگ ءَ حزانگءِ وزیر شوکت ترین ءَ اے سرء ُ سوجاناں ہوار پاکستان ءَ لائیوسٹاک ء ُ کشتء ُ کشاری ءِ پڑءَ زرکاری ءِ تہا گیشی کنگ ءِ گپ کتگ۔ آئی ءَ گشتگ کہ پاکستان ءِ حکومت اے ہوالگءَ ہرچ وڑیں کمک دنت۔
