اوگانستان ءَ  بنی آدمی ڈکال ءِ ودی بوھگ ءَ انت، دگنیا اوگانستان ءَ را ایوک یل نہ کنت، کورونا  ءِ ھوپ ءِ سبب ءَ سرجمیں دگنیا  ءِ معیشت   ڈکال ءِ  آماچ بوھگ ءَ انت، میڈیا ءِ شوبگ ءَ جاپان ءِ تکنیکی کمک ءَ را  وش اتک کناں، چوہدری فواد حسین  

اسلام آباد۔31جنوری  (اے پی پی): بنجاھی وزیر اھوالکاری ءُ شنگ کاری چوہدری فواد حسین ءَ گوشت کہ اوگانستان ءَ  بنی آدمی ڈکالی ءِ ودی بوھگ ءَ انت، اوگانستان ءَ را  ایوک یل نہ کناں، کورونا  ھوپءِ سبب ءَ سرجمیں دگنیا ءِ معیشت  ڈکال ءِ آماچ بوھگ ءَ انت، میاں اوستمانی منڈی  آنی تہ ءَ  انرجی ءُ کموڈیٹی پرائسز  ءِ  تہ ءَ  گیشی ءِ آسر  پاکستان ءِ سر ءَ    نکش بوتگ انت۔  کورونا ءِ ساھت ءَ حکومت اکستان ءَ گریب  الس آناں ریلیف پجاری کتگ، پی ٹی وی ءُ  ریڈیو  ءِ واستہ جاپان ءِ تکنیکی کمک  ءَ  را وش اتک کناں۔  اے گپ آئی ءَ دو شمبے ءَ ادا گند ءُ نند ءِ واستہ  آیوکیں پاکستان ءَ پوسٹیں  جاپان ءِ سفیر  مٹسو ہیرو واڈا ءَ گوں تران  کنان ءَ کت۔  گند ءُ نند ءَ اوگانستان ءِ جاور ھال، پاکستان ٹیلی ویژن ءُ ریڈیو پاکستان ءِ واستہ جاپان ءِ تکنیکی  کمک ءِ  ھوار میڈیا ءِ شوبگ ءَ  کمک ءُ وت مہ وتی واھگی کار آنی سر ءَ  ھیال ریچی کنگ بوت۔  جاپان ءِ نیمگ ءَ پی ٹی وی ءُ ریڈیو ءِ واستہ تکنیکی کمک آناں وش اتک کنان ءَ بنجاھی وزیر اھوالکاری  ءَ گوشت کہ ملک ءَ ٹیکنالوجی سپیکٹرم  ءِ  تہ ءَ مٹ بوھگ ءَ انت، پی ٹی وی ءِ دو  نیوز چینلز پی ٹی وی نیوز ءُ  پی ٹی وی سپورٹس ایچ ڈی کنگ بوتگ انت، پی ٹی وی انگلش  ءُ پی ٹی وی ہوم ءَ را ھم ایچ ڈی کنگ بوھگ ءَ انت۔ اے موہ ءَ  جاپان ءِ سفیر ءَ  گوشت کہ جاپان ریڈیو پاکستان  ءُ پی ٹی وی ءَ را تکنیکی کمک پجاری  کنت انت۔ آئی  ءَ گوشت کہ  جاپان معیشت ، انفراسٹرکچر  ءُ ایندگر  شوبگ آنی تہ ءَ کمک پجاری کنگ ءَ انت۔