اسلام آباد۔ 31 جنوری (اے پی پی) بنجائی وزیر حوالکاری و شینکاری چوہدری فواد حسین پارینے کہ چیف جسٹس آف پاکستان جسٹس گلزار احمد اینو ریٹائرڈ مننگ ءِ، اواقلیت آتا عبادت گاہ تے ہلسا تاریخی سٹینڈ ہلک، داڑآن اونا شان و شرف اٹی بھاز ودکی مس۔ دوشنبے نادے آ تینا اسہ ٹویٹ اسے ٹی اوپارے کہ ہندن ءُ وخت اسے ٹی ہراتم ہندوستان نا عدلیہ شدت پسند آتا دوتے اٹ بیوس نظر بریک، جسٹس گلزار کون آ جج آک اقلیت آتے سیبو تسر و آجوفیصلہ تسر۔ تینا اسہ پین ٹویٹ اسے ٹی اوپارے کہ داسال سپریم کورٹ اٹی پنچ جج صاحب ریٹائرڈ مننگ ءُ۔ چوہدری فواد حسین پارے کہ پارلیمان پوسکن آ جج آتا تعیناتی کن آئینی ترمیم آ بایدے سجفے، اگہ پارلیمان سپریم کورٹ اٹی تعیناتی تے آجو و شفاف کیک تو دا بھاز بھلو کاریم اس مریک، سیاسی جماعت آک تینا اختلاف آتے پدپشت تخسا دااہم ترمیم کن مون آ بریر۔
