اسلام آباد۔ 31 جنوری (اے پی پی) وزارت قومی جان جوڑی سروسز پارینے کہ تدوک آ 24 گھنٹہ ٹی مچ آ ملک اٹی 61 ہزار 77 کورونا ٹیسٹ کننگانے۔ دوشنبے نادے آ وزارت قومی جان جوڑی نا کنڈآن جاری ٹویٹ اٹی شیئرکروک حساب وکتاب نا رداٹ تدوک آ 24 گھنٹہ ٹی 61 ہزار 77 کورونا ٹیسٹ کننگا، ہرافتیان 7048 بندغ آتا کورونا ٹیسٹ مثبت بس اوکان پد کورونا ٹیسٹ آتا مثبت کچ 11.53 درسد مسک۔ داکان بیدس داوخت آ کورونا دین انا سوب آن زوال کروک آتا کچ 21 ریکارڈ کننگانے وخت اس کہ 1423 ناجوڑ آتا حالیت نازرک ءِ۔
