جہلم ۔29جنوری (اے پی پی): بنجاھی وزیر اھوالکاری ءُ شنگ کاری چوہدری فواد حسین ءَ شمبے ءِ روچ ءَ للہہ تا جہلم ڈوئل کیرج وے منصوبگ ءِ سر ءَ جوڑیشتی کار آنی سر ءَ چار ءُ تپاسی زرت۔ اےموہ ءَ بنجاھی وزیر اھوالکاری ءَ منصوبگ آنی سر ءَ جاڑیگیں کار آنی ھوالگ ءَ بریفنگ دیگ بوت۔ بنجاھی وزیر اھوالکاری ءَ منصوبگ ءِ سر ءَ کار ءِ گام ءُ کد ءُ بالاد ءِ سر ء دل یکیمی درشان کت ءُ منصوبگ آناں وھد ءُ موہ ءَ سرجم کنگ ءِ پنت ءُ شون کت۔ یات دارگ بہ بیت کہ 13 ارب کلدار ءِ کساس ءَ چہ جوڑ بوھوکیں سڑک ءَ چہ دمگ ءَ کاروباری چست ءُ ایر آنی تہءَ کھیوڑہ ءِ چات ءُ قلعہ نند نا وڑیں سیل ءُ سوادی ھند آنی دیمروئی بیت۔ مزن وزیر عمران خان ءَ للہہ تا جہلم ڈوئل کیرج وے منصوبگ آیوکیں سل مارچ 2023 ءَ سرجم کنگ ءِ ھاسیں پنت ءُ شون کتگ۔ منصوبگ ءِ اولی فیز للہہ انٹر چینج ءَ چہ پنڈ داد نخان ءُ دومی سر فیز مصری موڑ ءَ چہ بخاری چوک ءَ گوزوکیں سال جون ءَ سرجم بیت۔ اےمنصوبگ منڈی بہاوالدین ، جہلم، سرگودھا ءُ خوشاب ءِ الس آنی کسمت مٹ بیت۔
