اسلام آباد۔ 28 جنوری (اے پی پی) وزیر مملکت حوالکاری و شینکاری فرخ حبیب بلوچستان نا علاقہ کیچ اٹی سیکورٹی فورس آتیا دہشت گرد آتا جلہو نا مذمت ءِ کرینے۔ اوتینا اسہ بیان اسے ٹی پارے کہ گڑاس سلوک دہشت گرد آتا دا لغوری نا کارروائیک ءُ، اوفتے ڈکھنگ کن الیپنہ۔ وزیر مملکت پارے کہ سیکورٹی فورس آک ملک انا ہر بشخ آن دہشت گردی نا پورو چٹفنگ کن سنبرینگوک ءُ، شہیدآک ننا ہیروک ءُ اوفتاخون زیان مفک۔ اومستی پارے کہ دہشت گردی نا داواقعہ ٹی شہید مروک آ سیکورٹی فورس آتا شہید آتا درجہ غاتا بڑزی کن دعا کینہ۔
