اسلام آباد۔ 28 جنوری (اے پی پی) بنجائی وزیر اقتصادی امور عمرایوب خان بلوچستان اٹی دہشت گردی نا واقعہ نا مذمت ءِ کرسا پارینے کہ شہید مروک آ سیکورٹی کارندہ غاتے مچ آ قوم سلام پیش کیک۔ جمعہ نادے آ راجی رابطہ نا ویب سائٹ ٹویٹر آ جاری ٹویٹ اٹی اوپارے کہ او مچ آ قوم اتون اوار وطن عزیز کن تینا جون تے ندرکروک آ سیکورٹی کارندہ غاتے سلام پیش کیک۔ اوجلہو نا مذمت ءِ کرسا پارے کہ داوڑنا لغوری کارروائی تیان دہشت گردی نا عفریت ءِ ماس کش کننگ نا پاکستانی قوم انا عزم ءِ بدل کننگ مفک۔ بنجائی وزیر شہید آتا خاہوت آتون ڈکھیائی و است ہسونی نا درشانی ءِ کرسا شہید آتا درجہ غاتا بڑزی وخاہوت کن صبر و جمیل نا دعاکرے۔
