کوئٹہ۔ 28 جنوری (اے پی پی) بلوچستان نا سلاہکار داخلہ و قبائلی امور میر ضیاء اللہ لانگو کیچ اٹی سیکورٹی فورس آتیا دہشت گرد آتا لغوری جلہو نا ترند انگا لوز آتیٹی مذمت ءِ کرسا پارے کہ دہشت گرد آک دا وڑنا لغوری جلہوآتیان سیکورٹی فورس آتا حوصلہ ءِ شیف شاغنگ کپسہ۔ اوپارے کہ صوبہ نا امن و ایمنی ءِ پیشن نا امداد آ تالان کروک آ ملک دشمن زموار آتا دوتےاٹ خراب کننگ کن الیپنہ۔ سلاہکار داخلہ پارے کہ صوبہ و ملک اٹی امن نا بحالی کن ورناو آفیسر آتا قربانی تے اسُل است آن دننگ کپنہ۔ قوم مدام دا نرزور گلزادہ غاتا مقروض مریک۔ صوبائی سلاہکار داخلہ شہید کارندہ غاتا درجہ غاتا بڑزی و ٹھپی مروک آتا زوت دراخ جوڑی کن دعا کرے۔
