کوئٹہ۔ 28 جنوری (اے پی پی) وزیراعلیٰ بلوچستان میرعبدالقدوس بزنجو پارینے کہ پی ٹی آئی صوبہ ٹی ننا و بی اے پی مرکز اٹی پی ٹی آئی نا سوگو سیوتی جماعت ءِ ہڑتوم آ سیاسی جماعت آتیٹی پورو ہم گرنچی ساڑی ءِ ہرادے پین سوگو کننگک، بلوچستان ناشونداری ٹی خصوصی است خواہی و عملی گا م گیج آتیا وزیراعظم عمران خان نا منت وار اُن۔ داخیال آتا درشانی ءِ او ڈپٹی اسپیکر قومی اسمبلی قاسم خان سوری تون داڑے مروک آ اوڑدہی ٹی کرے ۔ بی اے پی نا جنرل سیکرٹری سینیٹر منظور خان کاکڑ ، سینیٹر عبدالقادر و پنی آ گلوگار وارث بیگ ئسک ہم داوخت آ ساڑی ئسر ، اوڑدہی ٹی سیاسی حالیت بلوچستان نا شونداری ٹی بنجائی حکومت نا کمکاری تون اوار ایلو امور آ گپ وتران کننگا و داہیت آ امنا کننگاکہ مرکز و صوبہ نا نیام اٹ کمکاری نا مون آ دننگ آن نئے بیریہ بلوچستان نا شونداری نا عمل ترند مریک بلکن سیاسی حالیت آتیا ہم مثبت اثرمرتب مریک ۔ ڈپٹی اسپیکر پارے کہ وزیراعظم بلوچستان آن احساس محرومی ءِ چٹفسا اودے ایلو شون ہلوک صوبہ غاتا بریبر اتنگ خواہک دا بابت او مدام دیوان تیٹی پیدوار پارت جاری کیک۔ ڈپٹی اسپیکر پارے کہ چمن کوئٹہ کراچی شاہراہ نا ودکی نا ڈٹ انا ٹینڈر جاری مسنے ہراڑآ زوت کاریم بناکیک قاسم خان سوری ہراکہ پی ٹی آئی نا صوبائی صدر ہم ارے پارے کہ وزیراعظم نا پارت نا رداٹ پی ٹی آئی ساڑی آ صوبائی حکومت نا سوگو سیوتی نا وڑاٹ سلوک ءِ، و حکومت نا برخلاف چم آتے سرسہب مننگ کن ہلنگپننگک۔
