اسلام آباد۔ 28 جنوری(اے پی پی) وزیرداخلہ شیخ رشید احمد بلوچستان نا علاقہ کیچ اٹی سیکورٹی فورس آتیا مروک آ دہشت گرد جلہو نا ترندی اٹ مذمت ءِ کرسا پارینے کہ دہشت گرد آک لغوری کارروائی تے اٹ کانود نافذ کروک آ ادارہ غاتے حوصلہ ءِ شیف شاغنگ کپسہ، بلوچستان نا شونداری و ملکی سلامتی نا مشن برجاسلک۔ جمعہ نادے آ وزارت داخلہ آن جاری بیان نا رداٹ وزیرداخلہ شیخ رشید احمد بلوچستان ناضلع کیچ اٹی سیکورٹی فورس آتیا دہشت گردی نا واقعہ نا مذمت ءِ کرینے۔ اودہشت گرد آتا جلہو اٹ سیکورٹی فورس آتا ورناتا شہیدی آ است ہسونی نا درشاننی ءِ کرینے۔ وزیرداخلہ پارے کہ سیکورٹی فورس آتیا دہشت گردی نا واقعہ مذمت نا قابل و بھاز است ہسونی نا سوب ءِ۔ وطن نارکھ اکن سلوک کارندہ غاتیا جلہو بدترین دہشت گردی اسے۔ اوپارے کہ دہشت گرد آک لغوری کارروائی تے اٹ کانود نافذ کروک آ ادارہ غاتا حوصلہ ءِ شیف شاغنگ کپسہ۔ بلوچستان نا شونداری و ملکی سلامتی نا مشن برجاسلک۔
