اسلام آباد۔ 28 جنوری (اے پی پی) وزیراعظم نا سلاہکار پارلیمانی امور ڈاکٹر بابر اعوان پارینے کہ سوشل میڈیا کمپنی نا رجسٹریشن المی ءِ، دا چرجوئی ٹی تعلقدار کمپنی تے مرے کہ او تینے رجسٹر کرفر۔ جمعہ نادے آ بڑزکو ایوان نا دیوان اٹی وقفہ سوج آتیٹی سینیٹر محمد اکرم، افنان اللہ ، و شہادت اعوان نا سوج آتا ورندی ٹی اوپارے کہ حکومت غیرکانودی مواد نا شینک کننگ ءِ توننگ خواہک و دا چرجوئی ٹی پالیسی پیدوار ءِ۔ اوپارے کہ سوشل میڈیا کمپنی نا رجسٹریشن نا وڑوڈول و فارم ساڑی ءِ۔ دا چرجوئی ٹی کمپنی تے مرے کہ ریگولیٹر تون تینے رجسٹر کرفر، اولیکو ریسہ ٹی داسہ گڑاس کمپنی تتون گپ وتران مننگ ءِ، نن خوانہ کہ ہراکمپنیک رجسٹرڈ افس اوتینے رجسٹر کرفر۔
