اسلام آباد۔ 27 جنوری (اے پی پی) مچ آ ملک اٹی تدوک آ بیست ءُ چار گھنٹہ ٹی کورونا دین آن 25 مرک مس ہرافتیان وینٹی لیٹرآتیا ساڑی 10 ناجوڑ زوال کریر۔ مچ آ ملک اٹی غٹ آن زیات مرک سندھ آن پد پنجاب اٹی ریکارڈ کننگا۔ نیشنل کمانڈ اینڈ آپریشن سینٹر نا کنڈآن جاری حساب وکتاب نا رداٹ تدوک آ 24 گھنٹہ ٹی مچ آ ملک اٹی 7 ہزار 539 بندغ آتا کوویڈ۔ 19 ٹیسٹ مثبت بس۔ ملک انا 4 بھلا شار تیٹی وینٹی لیٹرآتیا کوویڈ۔ 19 نا ناجوڑ آتا بیٹ کچ انا رداٹ پشاور اٹی 11 درسد، اسلام آباد اٹی 21 درسد، لاہور اٹی 9 درسد و فیصل آباد اٹی 8 درسد ناجوڑ ءُ۔ ہندا وڑاٹ ملک انا چار بھلا شار تیٹی آکسیجن نا آسراتی والا کٹ آتیا کورونا دین انا مثبت کیس آتا بیٹ کچ انا رداٹ پشاور اٹی 14 درسد، کراچی ٹی 20 درسد، لاہور اٹی 20 درسد و اسلام آباد اٹی 24 درسد ناجوڑ ءُ۔ تدوک آ 24 گھنٹہ ٹی کوویڈ۔ 19 نا 63 ہزار 272 ٹیسٹ کننگا ہرافتیان سندھ اٹی 14 ہزار 619 ، پنجاب اٹی 26 ہزار 242، خیبرپختونخوا ٹی 11 ہزار 119، اسلام آباد اٹی 7 ہزار 665، بلوچستان اٹی 822، گلگت بلتستان اٹی 431 ٹیسٹ، آزاد کشمیر اٹی 2 ہزار 374 ٹیسٹ اوار ءُ۔ داتم اسکان مچ آ ملک اٹی کوویڈ۔ 19 آن دراخ جوڑ مروک آتا کچ 12 لکھ 72 ہزار 871 مسنے۔ بلوچستان، آزاد کشمیر و گلگت بلتستان اٹی کوویڈ۔ 19 نا اسہ ناجوڑ اس ہم داوخت آ وینٹی لیٹر آتیا اف وخت اس کہ مچ آ ملک اٹی کوویڈ۔ 19 کن جتا وینٹی لیٹرآتیا 94 ناجوڑ ءُ۔ مچ آ ملک اٹی کوویڈ۔ 19 نا ایکٹیو کیس آتا کچ 91 ہزار 584 ءِ۔ مچ آ ملک اٹی کورونا دین آن زہمی بندغ آتا کچ 13 لکھ 93 ہزار 887 ءِ ہرافتیان آزاد کشمیر اٹی 36 ہزار 82، بلوچستان اٹی 34 ہزار 131، گلگت بلتستان اٹی 10 ہزار 557، اسلام آباد اٹی 1 لکھ 22 ہزار 98، خیبرپختونخوا ٹی 1 لکھ 87 ہزار 983 ، پنجاب اٹی 4لکھ 69 ہزار 540 و سندھ اٹی 5 لکھ 33 ہزار 496 ناجوڑ ءُ۔ مچ آ ملک اٹی کورونا دین آن زوال کروک آتا کچ 29 ہزار 162 مسنے۔ ہرافتیان سندھ اٹی 7 ہزار 765 مرک وخت اس کہ تدوک آ بیست ءُ چار گھنٹہ ٹی 12 ناجوڑ ہسپتال آتیٹی دادین آن زوال کریر، پنجاب اٹی 13 ہزار 126 وخت اس کہ تدوک آ بیست ءُ چار گھنٹہ ٹی 7 ناجوڑ ہسپتال آتیٹی دادین آن زوال کریر۔ خیبرپختونخوا ٹی 5 ہزار 986 مرک وخت اس کہ تدوک آ بیست ءُ چار گھنٹہ ٹی 6 ناجوڑ ہسپتال آتیٹی دادین آن زوال کریر۔ اسلام آباد اٹی کل 979 مرک، بلوچستان اٹی کل 367 مرک،گلگت بلتستان اٹی 187 مرک،آزاد کشمیر اٹی دادین آن 752 مرک مسنے۔ داتم اسکان مچ آ ملک اٹی کوویڈ۔ 19 نا 2 کروڑ 47 لکھ 54 ہزار 277 ٹیسٹ کننگانے۔ مچ آ ملک اٹی کوویڈ۔ 19 نا درمان کن جتا 640 ہسپتال آتیٹی 1 ہزار 395 ناجوڑ درمان مننگ ءُ۔

متعلقہ مضامینمصنف کی طرف سے مزید