کوئٹہ۔ 27 جنوری (اے پی پی) کوئٹہ نا علاقہ پشتون آباد اٹی گیس لیک مننگ نا سوب آن اُراسے ٹی دھماکہ مس ہرانا نتیجہ ٹی 3 بندغ ہشنگسا ٹھپی مسر۔ ایدھی حوالی نا رداٹ پنچ شنبے نادے آ پشتون آباد عبدالولی چوک آ واقعہ اُراسے ٹی گیس انا لیک مننگ نا سوب آن دھماکہ مس ہراٹی مختیار احمد وئی 75 سال، عبدالخالق وئی 17 سال، اسامہ وئی 15 سال ہشگنسا ٹھپی مسنو۔ ٹھپی مروک آ بندغ آتے بی ایم سی ہسپتال آ گدریفنگانے ہراڑے اوفتے طبی امداد تننگ انگ ءِ۔
