کوئٹہ۔ 27 جنوری (اے پی پی) بلوچستان بورڈ انا میٹرک نا سالانہ امتحانک 15 مارچ وخت اس کہ ایف اے، ایف ایس اے نا امتحانک 17 مئی آن بناکیرہ۔ بلوچستان بورڈ انا نوٹیفکیشن نا رداٹ میٹرک نا سالانہ امتحانک 15 مارچ آن بناکیرہ وخت اس کہ ایف اے، ایف ایس سی نا امتحانک 17 مئی آن اڈتننگرہ۔ کنٹرولر بلوچستان بورڈ پروفیسر شوکت علی سرپرہ استاد آتا اسہ ڈل و طالب علم آتون گپ وتران کرسا پارے کہ ساڑی آ دور تعلیم نا ءِ، جہالت اسہ قوم اسے ہم تقدیر ءِ بدل کننگ کپک، جہالت نا تہاری ٹی رہینگسا شونداری نا تغ اسُل پورو مننگ کپک۔ اوپارے کہ امتحان تیٹی قابل استاد آتا ڈیوٹی ءِ خلنگک، نقل طالب علم آتا آخبت ءِ تہار کرسا کننگ ءِ، نقل کروک آ طالب علم آتے بورڈ انا یوایف ایم نا رداٹ سزا تننگک، امتحان تیٹی نقل نا چٹفنگ کن خصوصی مانیٹرنگ ٹیم اس ٹہیفنگانے، ہرا وقتا فوقتا امتحانی مرکز آتا دورہ ءِ کیک و ہرا امتحانی مرکز اٹ نقل خننگا امتحانی عملہ ءِ موقع غا فارغ کننگک۔ اوپارے کہ چناتے ہم مرے کہ او دل جوئی اتون علم دوئی کیر انتئے کہ مون آ ہنسا ہندا چناتے ملک و قوم انا خذمت و ملک انا آخبت ءِ سنبھالوئی ءِ ، ننا کوشست ءِ کہ بروک آ چین تے پوسکن آ تعلیم نا زیور آن آراستہ کین۔
