واشنگٹن ڈی سی۔26جنوری (اے پی پی):واشنگٹن ءَ جوڑیں، “ورلڈ فورم فار پیس اینڈ جسٹس” ءِ چیئرمین ڈاکٹر غلام نبی فائی ءَ گوشتگ کہ کشمیری الس بھارت ءِ نیمگ ءَ مقبوضہ جموں ءُ کشمیر ءَ بنی آدمی ھک آنی ھلاپ کنگ، میاں اوستمانی کانود ءَ ڈلگچار کنگ ءُ وت واجئی ھک ءِ ھوالگ ءَ یونائیٹ نیشن ءِ سلامتی کونسل ءِ منوگری ءِ ھلاپ ءَ سک باز اپسوزی ءِ درشان ءَ کناں۔ کشمیر میڈیا سروس ءِ رد ءَ ڈاکٹر غلام نبی فائی ءَ بھارت ءِ یوم ءِ جمہوریہ ءِ ھوالگ ءَ واشنگٹن ءَ جاڑیگیں بنیان ءَ گوشت کہ کشمیری الس بھارتی الس آناں وتی دژمن نہ پھم انت پدا ھم آ بھارتی حکومت ءِ چغلی ءِ پد ءَ جھلانکیں اپسوزی ءِ درشان ءَ کنان ءَ آئی ءَ بنی آدمی ھک آنی ھلاپ کنگ، میاں اوستمانی کانود ءَ را ڈلگچار ءُ وت واجئی ءِ بابت ءَ یونائیٹڈ نیشن ءِ سلامتی کونسل ءِ منوگری آناں یک شل ءَ ڈلگچار کنگ ءَ انت۔ ڈاکٹر فائی ءَ گوشت کہ کشمیر ءِ ایوکیں جیڈھ ءِ گیواری ءِ واستہ مردم آناں وتی کسمت ءِ پیسلہ کنگ ءِ واستہ وتی وت واجئی ھک ءِ کارمرز کنگ ءِ موہ دیگ ءِ درشان انت ءُ اے کساس 74 سال پیسر میاں اوستمانی برات آں آئی ءَ گوں کتگ بوتگ۔
