اسلام آباد۔26جنوری (اے پی پی):کنٹرول لائن ءِ دوئیں نیمگ ءُ سرجمیں دگنیا ءَ نندوکیں کشمیری آں مرچی 26 جنوری ءَ بھارتی ءِ یوم ءِ جمہوریہ یوم ءِ سیاہ ءِ رنگ ءَ برجم داشت تانکہ میاں اوستمانی برات آناں یات گیجگ بہ بیت تانکہ بھات ءِ نیمگ ءَ کشمیر آناں وت واجئی ھک پجاری ءَ یک شل ءَ بُکگ جمہوری ملک بوھگ ءِ دروگ ءُبٹاک آناں رد کنت۔ کشمیر میڈیا سروس ءِ رد ءَ یوم ءِ سیاہ برجم دارگ ءِ کال کل جماعتی حریت کانفرنس ءِ گیر کانودی رد ءَ نظر بند چیئرمین مسرت عالم بٹ، میر واعظ عمر فاروق، شبیر احمد شاہ ءُ جموں ءُ کشمیر لبریشن فرنٹ ءَ داتگ بوتگ وھدیکہ حریت سروک آں ایشی ءِ ھمبراہ داری کتگ بوتگ۔ مقبوضہ جموں کشمیر ءَ مرچی کشمیری آں سول کرفیو جتگ وھدیکہ زوراکیں انتظامیہ ءَ انرنیٹ سروس مھتل کتگ۔ سرینگر ءُ جموں ءِ شہر فوجی قلعہ ءِ رنگ ءَ پیش دارگ ءَ انت۔ اے دمگ گوشے فوجی قلات انت۔ واشنگٹن ءَ جوڑیں ”ورلڈ فورم فار پیس اینڈ جسٹس“ ءِ چیئرمین ڈاکٹر غلام نبی فائی ءَ یک بیانے ءَ گوشت کہ کشمیری الس بھارت ءِ نیمگ ءَ جموں کشمیر ءَ بنی آدمی ھک آنی ھلاپ کنگ ءُ وت واجئی ھک ءِ ھوالگ ءَ یونائیٹڈ نیشن ءِ منوگری آنی پد ءُ رندی نہ کنگ ءِ پد ءَ جھلانکیں اپسوزی ءَ کناں۔
