سرینگر ۔26جنوری (اے پی پی):بھارت ءِ گیر کانودی رنگ ءَ مقبوضہ جموں کشمیر ءَ کل جماعتی حریت کانفرنس ءَ جموں کشمیر ءِ آزاتی پسند الس آناں بھاتی یوم ءِ جمہوریہ ءِ یوم ءِ سیاہ ءِ رنگ ءَ برجم دارگ ءِ پد ءَ توسیپ ءُ ستا پیش کنان ءَ ایشرا بھارت ءِ واستہ یک چم ءِ پٹ نامینت۔ کشمیر میڈیا سروس ءِ رد ءَ کل جماعتی حریت کانفرنس ءِ ترجمان ءَ سرینگر ءَ جاڑیگیں یک بیانے ءِ تہ ءَ کشمیر الس مقبوضہ دمگ آنی تہ ءَ بھارت ءِ یوم ءِ جمہوریہ ءِ مراگش ءِ ھلاپ ءَ سک باز جاک ءِ واستہ گس آنی اندر ءَ بہ جھل انت۔ آءی ء۔ گوشت کہ توامیں سڑک ، دمک، شہر ءُ کوچگ ویران گندگ بیا انت وھدیکہ کشمیری آنی واستہ زندمان جام ءُ اوشت ءِ آماچ بوتگ۔ آئی ءَ گوشت کہ انٹرنیٹ ءِ ازمت مھتل کنگ بوتگ وھدیکہ زوراکیں فورسز سرجمیں جموں کشمیر ءَ را فوجی چھاونی ءِ تہ ءَ مٹ کتگ۔ کل جماعتی حریت کانفرنس ءِ ترجمان ءَ بھارتی ناجائزیں کبزہ ءِ ھلاپ ءَ سک باز ڈسپلین ءِ گوما گہگیری جنز ءَ جاڑی بدات انت ءُ کشمیر الس آنی دلیری ءُ دلبڈی ءَ را سہرا کنان ءَ میاں اوستمانی برات آناں اے موہ ءَ آگاہ بوھان ءَ جموں کشمیر ءِ سر ءَ بھارتی فوج ءِ لگت مالی ءُ زوراکی ءِ سر ءَ نوٹس بہ زور ایت۔
