اسلام آباد۔26جنوری (اے پی پی):مزن وزیر عمران خان ءَ گوشت کہ حکومت سول ءُ فوجداری نظام عدل ءُ انصاف ءِ کانود ءِ واستہ المی مٹ ءُ بدلی ء چہ ملک ءَ انصاف ءِ نظام ءَ را جوانیں ءُ ایشی ءَ تاں گریب ءِ پجاری دل یکیمی جوڑ کنگ بوھگ ءَ انت۔ 1908 ءَ چہ پد اولی رند ءَ حکومت سول کانود ءِ تہ ءَ مٹ ءُ بدلی آرگ ءَ انت، یک صدی کوھینیں کانود ءِ تہ ءَ گہتریں مٹ ءُ بدلی ءِ ھوالگ ءَ چہ گوست ءَ اچ حکومت ءَ سسا نہ کتگ۔ اے ھیالانی درشانی آئی ءَ چار شمبے ءِروچ ءَ سول کانود ءَ گہتری ءِ مزن تکی دیوان ءِ سروکی ءَ کنان ءَ کت۔ مزن وزیر عمران خان ءَ گوشت کہ ملک ءِ بد بھتی بوتگ کہ گوست ءِ حکومت اے کانود آنی تہ ءَ مٹ ءُ بدلی نہ کنگ ءِ ٹوھیں سبب کرپشن ءُ اے وتی رکھینگ بوتگ۔ آئی ءَ گوشت کہ ستیں دور ءِ حکومت ءَ آمید گس آزات انت۔ حکومت ملکی تاریخ ءَ اولی رند ءَ پاکستان ءِ کانود ءِ سروکی ءِ واستہ گہتری آورتگ، انصاف ءِ زوتیں پجاری ءُ دل یکیمیں رنگ ءَ پجاری ءِ یک شل ءَ گورننس ءِ گہتری ءَ گوں انت۔ آئی ءَ گوشت کہ مردم آں تاں زوت ءُ سستائیں انصاف ءِ پجاری حکومت ءِ اولی ترجی آنی تہ ءَ ھوار انت۔ دیوان ءَ بنجاھی وزیر کانود ءُ انصاف بیرسٹر فروغ نسیم، بنجاھی وزیر اھوالکاری ءُ شنگ کاری چوہدری فواد حسین، ھاسیں کمکار ڈاکٹر شہباز گل، سر وزیر پنجاپ سردار عثمان بزدار، پارلیمانی سیکرٹری وزارت کانود لیکہ بخاری ءُ مزن تکی اپسرگ آں بھر زوری کت وھدیکہ سروزیر خیبر پختونخو محمود خان ءُ صوبائی وزیر اکانود راجی بشارت، فضل شکور خان ءپ سیادی داروکیں صوبائی اپسرگ آں ویڈیو لنک ءِ وسیلگ ءَ بھر زوری کت۔
