اسلام آباد۔26جنوری (اے پی پی):صدر مملکت ڈاکٹر عارف علوی ءَ اسلام آباد پولیس ءِ کارندہ ءُ بنوں ءَ پوسٹ ءِ سر ءَ ارش ءَ چہ شہید بوھوکں پاک فوج ءِ سپاھی ءِ گس ءِ مردم آناں فون کتگ ءُ دلپدردی ءِ درشان کتگ۔ ایوان ءِ صدر ءِ میڈیا ونگ ءِ نیمگ ءَ صدر مملکت ءَ جی-8 اسلام آباد ءَ ارش ءِ ساھت ءَ شہید بوھوکیں اسلام آباد پولیس ءِ ھیڈ کانسٹیبل منور حسین ءِ گس ءِ مردم آناں ٹیلی فون کتگ ءُ دلپدردی ءِ درشان کتگ۔ ایشی ءَ ابید صدر ءِ مملکت ءَ 13 جنوری ءَ بنوں ءَ پوسٹ ءِ سر ءَ بوتگیں ارش ءِ سبب ءَ شہید بوھوکیں پاک فوج ءِ سپاھی سرفراز ءِ گس ءِ مردم آناں ٹیلی فون ءِ سر ءَ رابطہ کتگ۔ صدر عارف علوی ءَ شہید آناں راج ءِ واستہ قربانی دیگ ءَ را توسیپ ءُ ستا پیش کتگ۔ آئی ءَ شہید آنی درجگ آنی برز ءُ بلند ی ءُ گس ءِ مردم آنی واستہ سگ ءُ اوپار کشی ءِ واستہ دعا ءِ نیک کت۔
