اسلام آباد۔26جنوری (اے پی پی): مزن وزیر عمران خان ءِ سروکی ءَ چار شمبے ءِ روچ ءَ چین ءِ ھوالگ ءَ مزن تکی دیوان ءِ برجم دارگ بوت۔ ایشی ءِ تہ ءَ بنجاھی وزیر شاہ محمود قریشی، حماد اظہر، شوکت ترین، چوہدری فواد حسین ، اسد عمر، مشیر تجارت عبدالرزاق دائود، راجی سلامتی ءِ مشیر ڈاکٹر معید یوسف، آرمی چیف جنرل قمر جاوید باجوہ، ھاسیں کمکار سی پیک خالد منصور ءُ کلانہ ایں اپسرگ آں بھر زوری کت۔ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ء، رد ءَ دیوان ءَ مزن وزیر ءَ را چین ءِ تر ءُ تاب ءِ ساھت ءَ سرمایہ کاری ، تجارت ، انفارمیشن ٹیکنالوجی ءُ برآمدات ءِ شوبگ ءَ کمک آناں گیش ودینگ ءِ واستہ مھکمیں منصوبگ آنی سر ءَ چینی کارندہ آں گوں گپ ءُ تران آنی ھوالگ ءَ بریفنگ دیگ بوت۔
