نوازشریف نا پیسہ غاک لندن اٹی و سیاست پاکستان اٹی، اکاؤنٹ چپراسی تا و مارک انگلستان اٹی، اپارٹمنٹس لندن و مسڑ نا پن آٹی ءُ، بنجائی وزیر حوالکاری چوہدری فواد حسین

اسلام آباد۔ 26 جنوری (اے پی پی) بنجائی وزیر حوالکاری و شینکاری چوہدری فواد حسین پارینے کہ میاں نواز شریف نا پیسہ غاک لندن اٹی و سیاست پاکستان اٹی ءِ۔ چارشنبے نادے آ تینا ٹویٹ اٹی اومسکوہی اسپیکر قومی اسمبلی ایاز صادق نا عکس اتون اونا اسہ بیان اس شیئرکرینے ہراٹی ایاز صادق پاریسس کہ ’’میاں صاحب نا جون لندن اٹی و روح پاکستان اٹی ءِ‘‘۔ بنجائی وزیر پارے کہ اصل حالیت آک دادو کہ میاں نواز شریف نا پیسہ غاک لندن اٹی و سیاست پاکستان اٹی ءِ، اکاؤنٹ چپراسی تا و مارک انگلستان اٹی ءُ، اپارٹمنٹ لند ن اٹی و مسڑ نا پن آ ٹی ءُ۔